Jozi ka folur më shumë për marrëdhënien e tij me Loredanën, e cila nisi gjatë qëndrimit të tij në “Big Brother VIP”.
Ai shprehu zhgënjimin e tij për faktin që Loredana hoqi unazën, e cila ishte simbol i lidhjes së tyre. Sipas tij, unaza nuk është ajo që e mban të lidhur me të, pasi shpeshherë e harron. Megjithatë, ai tha se është mërzitur shumë kur ajo vendosi ta heqë.
Jozi e cilësoi dasmën me Loredanën si një kujtim të paharrueshëm dhe e përshkroi si “kapakun e gjërave”, duke shtuar se mbetet për t’u parë se si do të zhvillohen gjërat jashtë dhe se do t’i kishte ftuar miqtë e tij nga shtëpia në dasmë, përveç disa personave.
Po ashtu, ai shprehu mbështetje për Danjan dhe theksoi se ajo është një lojtare e fortë në “Big Brother VIP”.
Ai komentoi gjithashtu marrëdhënien që kishte me Valbonën, duke e quajtur atë gjithmonë një shoqe dhe duke theksuar se ata kishin një shok të përbashkët që i kishte lidhur.
Jozi u shpreh se nuk e kishte parë Valbonën me ndjenja romantike dhe se ata ishin afruar në shtëpi, ku ajo kontribuoi shumë në qëndrimin e tij.