Mamaja e Loredanës, Shpëtime Brati ka komentuar takimin e ndodhur brenda shtëpisë së “Big Brother VIP Albania” me vajzën e saj Loredanën dhe partnerin Jozi Marku.
Në një lidhje direkte në emisionin “Ëake Up” në Top Channel, mamaja e Loredanës ka komentuar dhe batutën e Jozit pas takimit, i cili u shpreh “Vdeksha unë për vjerrën”.
Shtëpime Brati u shpreh se ishte një batutë e këndshme, ndërsa përsa i përket pritjes së Jozit si dhëndër në shtëpi, ajo tha se është akoma herët.
Ndër të tjera ajo u shpreh se tek Jozi atyre iu pëlqen fakti që ka ndryshuar sjellje në raport me banorët e tjerë dhe me Loredanën, si dhe tipi i tij i çiltër i qetë dhe jo dinak.
Pjesë nga intervista:
-Jozi ka thënë ‘vdeksha unë për vjehrrën time’ si u ndjetë ju përballë kësaj?
-Ishte një batutë shumë e bukur, më pëlqeu.
Na e përshkruan dot, e dimë që kishe kohë pa takuar vajzën, dhe kur i takove të dy në shtëpinë e “Big Brother VIP” si ishte për ty kjo përvojë e të hyrit aty, të qenit pjesë e spektaklit?
-Një eksperiencë shumë e bukur dhe emocionuese. U entuziazmova shumë se kisha 7 muaj pa parë Loredanën. E pritja jashtë te porta kur dëgjoja dhe zërin e saj se isha shumë afër, më emocionoi jashtë mase.
Të kishte marrë malli?
-Po shumë
A pe diçka ndryshe tek ajo?
-Po. Fytyra e saj më tregonte se ishte e gëzuar, e kënaqur me eksperiencën e saj. Sytë nuk gënjejnë.
Duket shumë e lumtur edhe pranë Jozit, apo jo?
Mendoj se po.
Loredana po bën më shumë se 90 ditë aty, ku ka patur të qeshura dhe lot, si e keni ndjekur ju këtë rrugëtim të saj në aventurën e Big Brother si familje?
Sa herë Loredana ka qarë kemi qarë dhe ne. Sa herë ka qenë e trishtuar Loredana, kemi qenë dhe ne të trishtuar. Megjithatë këto janë eksperienca që të forcojnë.
Ishte një moment në fund të takimit ku Lori tha ‘do takohemi në Itali’ dhe Jozi kërkon që të vijë bashkë me të. Ju jeni gati që t’a prisni dhëndrin e ri në shtëpi?
Në shtëpi jo akoma
Për vizitë po themi ne
Për një kafe po. Dhe në shtëpi një kafe s’ka problem, ne mirëpresim të huajt jo më shqiptarët.
A të pëlqen Jozi si djalë për Loredanën?
Kohët e fundit po më pëlqen se ka ndryshuar mënyrën e të menduarit, respektin ndaj Loredanës, ndaj banorëve të tjerë.
Na thuaj tre gjëra që të pëlqejnë te Jozi?
Fiziku nuk kam ça të komentoj unë se shihet vetë, po si ne dhe Loredana nuk shohim fizikun. Na pëlqen tipi i qetë që ka, çiltërsia e tij dhe mendoj se është dhe jo dinak, një njeri i sinqertë.