Një ngjarje tragjike ka tronditur ditën e djeshme qytetin e Prishtinës.
Një vajzë rreth 26 vjeç ka humbur jetën pasi dyshohet se ka rënë nga kati i shtatë i një ndërtese banimi në lagjen Lakrishtë.
Lexo Edhe
Sipas raportimeve, vajza ishte duke larë xhamat e banesës kur ka ndodhur aksidenti fatal. Fatkeqësisht, ajo nuk ka arritur t’u mbijetojë plagëve të rënda të marra dhe ka ndërruar jetë në vendngjarje.
Menjëherë pas incidentit, në vendin e ngjarjes kanë mbërritur njësitë e Policisë së Kosovës, bashkë me ekipin e Forenzikës, të cilët kanë nisur hetimet për të zbardhur rrethanat e sakta të rastit.
Aktualisht, rasti po trajtohet si “vdekje e dyshimtë”, ndërsa autoritetet kanë nisur procedurat ligjore për të hedhur më shumë dritë mbi këtë tragjedi.
