Mbrëmjen e djeshme, moderatorët e Top Channel surprizuan banorët e Big Brother VIP Albania me një vizitë të shkurtër brenda shtëpisë.
Në mesin e bisedave dhe momenteve të ngrohta, veçoi një mesazh i fortë dhe kuptimplotë nga Marin Mema.
Duke iu referuar tensioneve të fundit në rrjet mes Shqipërisë dhe Kosovës, pas përplasjes mes Jozit dhe Gjestit, Marin Mema theksoi rëndësinë e unitetit shqiptar.
Në fjalën e tij, ai tha:
“Për mua bëtë një gabim të katërt: falënderuat të gjithë, por harruat diçka shumë të rëndësishme – miliona shqiptarë që ju ndjekin dhe ju mbështesin. Gjesti, ti ke një shtëpi në Shqipëri sepse është shtëpia jote, ashtu siç të gjithë ju keni një shtëpi në Kosovë sepse është shtëpia juaj. Asnjëherë nuk duhet të ngatërrojmë debatet individuale me atë që përfaqëson kombi ynë. Pavarësisht problemeve personale, ne si shqiptarë jemi një familje e madhe dhe duhet të punojmë gjithmonë për këtë.”