Pas largimit të saj të befasishëm nga “Ferma VIP”, Alba Pollozhani ka folur për herë të parë publikisht, duke hedhur dritë mbi vendimin që surprizoi ndjekësit e programit.
Mbrëmjen e djeshme, ajo tregoi se gjithçka kishte ardhur si rezultat i parimeve personale, të cilat nuk i negocion.
“E kam shprehur shumë qartë. Kam disa parime në jetë dhe para tyre nuk vendos asgjë. Edhe çmimi vjen pas parimeve,” – u shpreh Alba, duke lënë të kuptohet se vendimi i saj nuk ishte impulsiv, por i menduar me kujdes.
Për spekulimet që kanë qarkulluar mbi një përplasje të mundshme me konkurrenten tjetër, Nenen, si dhe për raportin e saj me Limin – një ndër lidhjet më të komentuara të reality show-t – Alba reagoi prerë:
“Nena për mua nuk ka qenë aspak problem dhe nuk i kam kushtuar rëndësi. Për mua, rrënja e problemit është partneri që kam në krah.”
Misteri rreth marrëdhënies së saj me Limit ka qenë pjesë e pandashme e diskutimeve brenda dhe jashtë fermës. Por kur Luana e pyeti për “sekretin” e saj dhe Limit, Alba dha një përgjigje enigmatike:
“Unë dhe Limi e kemi nga ajo që kemi ndjerë për njëri-tjetrin. Që jemi marrë vesh me sy, kjo do mbetet gjithmonë mister për publikun.”
Me këtë deklaratë, Alba duket se konfirmoi ndjenjat e saj, por zgjodhi të ruajë një pjesë të historisë për vete – duke i lënë fansat me më shumë pyetje se përgjigje.