Ish-banori i “Big Brother VIP Albania”, Laert Vasili ka ndarë me publikun më tepër detaje lidhur me jetën e tij personale.
Aktori i njohur ishte i ftuari i mbrëmjes në emisionin “S’e luan topi”, teksa u tregua i hapur për të shprehur simpatinë për vajzën e famshme që mesa duket i ka vjedhur zemrën.
Ish-banori është komentuar gjatë për raportin me gazetaren Valbona Mhilli teksa të dy ishin pjesë e BBVA, ndërsa tashmë aktori sqaron se nuk është ajo vajza në fjalë, por identitetin e saj nuk e ka bërë publik.
“Jam në njohje me një vajzë… dhe jo, nuk është Valbona. Kur dola nga Bigu, nuk e dija, por kur mora telefonin dhe pashë… thashë ‘pse s’më ndodhi në 31 vjeç’? Pashë atë që tha Ledioni ‘është beqari më i kërkuar’. Instagrami është flakë, edhe tani po ta tregoj janë gjithë kohës duke më shkruar.
Vajzën që po njoh, nuk e kam njohur prej rrjeteve sociale, është dikush më ka tërhequr vëmendjen dhe kam dalë disa herë. Vajza nuk është dhe aq e thjeshtë, i përket botës së të famshmëve. Është e njohur. Që unë e pëlqej atë, ia kam lënë që ta kuptojë.”-u shpreh Vasili.