Një tjetër aksident i rëndë është regjistruar mesditën e sotme në aksin rrugor “Shkodër – Lezhë” ku janë përfshirë 3 automjete.
Kamioni i drejtuar nga shtetasi T. K., 42 vjeç, dyshohet se ka humbur kontrollin dhe për pasojë ka aksidentuar një tjetër automjet të drejtuar nga A. S., 63 vjeç, ndërsa më pas është përfshirë në përplasje dhe një makinë me shofer Gjin Bzhangaj 37 vjeç.
Si pasojë e përplasjes së fortë ka ndërruar në 37-vjeçari, i cili ishte dërguar për ndihmë mjekësore në spitalin Rajonal të Shkodrës ndërsa është dëmtuar dhe bashkëshortja e tij, J. Bzhagaj si dhe dy fëmijët e mitur, pasagjerë në automjet.
Sakaq, në vendin e ngjarjes ka mbërritur policia për të sqaruar rrethanat e plota të aksidentit në fjalë.
“Shtetasi T. K., 42 vjeç, duke drejtuar kamionin e tij, dyshohet se ka humbur kontrollin mbi drejtimin e automjetit dhe si pasojë është përplasur fillimisht me automjetin me drejtues A. S., 63 vjeç dhe më pas është përfshirë në aksident edhe automjeti me drejtues shtetasin Gj. B., 37 vjeç. Si pasojë e përplasjes, ka ndërruar jetë në Spitalin Rajonal Shkodër shtetasi Gj. B., ndërsa janë dëmtuar bashkëshortja e tij, shtetasja J. B., 32 vjeçe, dhe dy fëmijët e mitur, pasagjerë në të njëjtin automjet. Të dëmtuarit ndodhen jashtë rrezikut për jetën”, njoftoi policia.
