A ka një krisje të madhe mes dyshes më të komentuar të momentit në Tiranë? Kjo është pyetja që po qarkullon orët e fundit, pas një zhvillimi të papritur që vjen menjëherë pas monologut viral të Grida Dumës në “Top Story”.
Nëse keni ndjekur emisionin e pardjeshëm, me siguri e keni vënë re: Grida nuk ishte thjesht e ashpër me politikën, ajo ishte e pamëshirshme. Por ajo që ra në sy dhe shkaktoi tërmet në rrjet, ishte fakti se moderatorja nuk kurseu as njeriun që dihet prej kohësh si partneri i saj, Ervin Salianjin.
Në një eskalim të paprecedentë ndaj klasës politike, Duma lëshoi një frazë që i bëri të gjithë të kthenin kokën: “Nuk guxojnë të më përbaltin emrin, as alla Edvin, as alla Ervin!”
Përmendja e emrit të Salianjit në këtë kontekst, duke e futur në të njëjtin “thes” me kundërshtarët e tjerë politikë, u duk si një distancim i ftohtë dhe i llogaritur publik.
LEXO EDHE
-
-
-
Por duket se gjërat nuk kanë mbetur vetëm te fjalët. Prive By Liberta Spahiu ka vënë re një detaj që në vitin 2025 flet më shumë se çdo deklaratë zyrtare: Grida Duma i ka bërë unfollow Ervin Salianjit në Instagram.
Një verifikim i thjeshtë në listën e saj të ndjekjes tregon se emri i deputetit demokrat mungon. Nga ana tjetër, Salianji vazhdon ta ndjekë Gridën, një shenjë që ndoshta tregon se vendimi ka qenë i njëanshëm ose i papritur për të.
Ky zhvillim vjen si rrufe në qiell të hapur, sidomos duke pasur parasysh muajt e fundit. Ervin Salianji, në disa dalje mediatike, kishte hequr dorë nga hermetizimi i tij i zakonshëm, duke lëshuar deklarata të forta dashurie.
Vetëm pak javë më parë, i pyetur për raportin me Gridën, ai u shpreh se ajo është “bashkëudhëtarja” e tij dhe “pjesa më e rëndësishme”, madje duke përdorur frazën që u bë virale: “Kënaqësia ime e përjetshme”.
A është ky veprim i Gridës thjesht një manovër për të ruajtur integritetin e saj profesional si gazetare përballë sulmeve politike, apo marrëdhënia e tyre ka marrë fund vërtet?
Distancim publik apo ndarje reale? Për momentin, mbetet vetëm një “unfollow” i heshtur që bërtet shumë fort. /Prive By Liberta Spahiu
View this post on Instagram
