Nëna e këngëtarit të njohur Shpat Kasapi, Gjylymser Kasapi, ka reaguar së fundmi me një mesazh emocional në rrjetet sociale,
duke falënderuar të gjithë ata që i kanë qëndruar pranë saj dhe familjes gjatë periudhës së dhimbshme të humbjes së Shpatit.
Përmes fjalëve të saj, ajo ka shprehur mirënjohjen e thellë për miqtë, familjarët dhe të gjithë ata që kanë treguar solidaritet dhe mbështetje.
Një falënderim i veçantë në mesazhin e saj i është drejtuar nuses së Shpatit,
LEXO EDHE
-
-
-
Selvijes, të cilën Gjylymser e përshkruan si një bashkëshorte të devotshme dhe një nënë të shkëlqyer për nipin e saj të vogël, Roelin.
Ajo ka theksuar se dashuria, përkushtimi dhe butësia e Selvijes ndaj Shpatit dhe familjes ka qenë e jashtëzakonshme, dhe që këto cilësi ishin arsyeja pse Shpati e adhuronte kaq shumë.
“Në mënyrë të veçantë dua të falënderoj Selvijen time të dashur, shpirtin e shtëpisë së Shpatit,
e cila ishte jo vetëm një bashkëshorte e përkushtuar, por edhe një nënë e shkëlqyeshme,” shkruan ajo, duke shtuar se fakti që Shpati ndërroi jetë në krahët e saj flet më shumë se çdo fjalë për lidhjen e tyre të fortë.
Në fund të mesazhit të saj, Gjylymser Kasapi ka paralajmëruar se çdo spekulim apo keqinterpretim lidhur me ngjarjen nuk do të tolerohet,
duke kërkuar respekt për dhimbjen e familjes, veçanërisht për Selvijen. Ajo ka theksuar se çdo tejkalim të kufijve të respektit do të dënohet jo vetëm moralisht, por edhe ligjërisht.
