Ikona e viteve ’80, Parashqevi Simaku ka marrë gjithë audiencën e ditëve të fundit, por jo për atë ç’ka ajo e meriton.
Ditë më parë ajo u gjend në një prej stacioneve të trenit të New York-ut, e kthyer në e pastrehë, Parashqevi Simaku u njoh nga disa shqiptarë teksa kërkonte ndër njerëz ndihma për rroba dhe ushqim.
Tashmë shumë personazhe të famshëm u përfshinë në ngjarje duke u munduar t’i gjenden pranë Parashqevisë. Video të saj ka ndarë biznesmeni Elton Ilirjani i cili i ka vendosur në shërbim një dhomë hoteli për 3 javë si dhe na mundësoi t’i dëgjojmë zërin e munguar ikonës shqiptare për pak çaste.
Prej shumë vitesh pa kontakte me familjarët e saj, sot Parashqevi Simaku ka kontaktuar me vëllain e saj Benin dhe mbesën e saj. Për Top Channel, Ben Simaku ka ndarë detaje nga telefonata e shumëpritur me motrën e tij.
Vëllai i saj rrëfeu pengun e madh të nënës së tyre, për të gjetur dhe njëherë vajzën e vet e cila i kishte munguar për vite me rradhë. Ben Simaku thotë se këtë telefonaë e ka pritur prej kohësh ndërsa nuk i kishte humbur kurrë shpresat së kërkuari motrën e tij.
Ai tha se telefonata ishte e shkurtër, ajo ka nevojë për qetësi teksa tregon se dukej e lodhur. Gjithashtu Beni tha se ka jetur për 2 vite me rradhë në shtëpi me Prashqevinë dhe bashkëshortin e saj, përpara se të ndodhte ndarja bashkëshortore dhe burri i saj të largohej së bashku me djalin për tu mos u kthyer më kurrë.
Intervista e plotë:
Ben Simaku: Kjo është lumturia më e madhe e jetës sime. Edhe sikur të vdes nuk i kam më pishman gjë kësaj jete; se të paktën u realizua ajo dëshira e nënës sime.
Kristi Gongo: Ju keni shumë vite që e kërkoni?
Ben Simaku: Nuk bëhet fjalë.
Kristi Gongo: Po mamaja juaj kur ndërroi jetë?
Ben Simaku: Në janar mbush dy vite. Si çdo nënë; si ajo që po kërkon fëmijën e vetë atje, ashtu edhe nëna ime. Si nënë, si prind… gjithmonë për fëmijën!
Kristi Gongo: Ju e njohët në momentin e parë kur doli video?
Ben Simaku: Po si nuk e njihja motrën time, kush është ai që nuk do e njihte. Unë kam jetuar vetë dy vite me të kur sa lindi fëmijën. Në një shtëpi bashkë me të, bashkë me të shoqin.
Kristi Gongo: Kanë pasur probleme në atë kohë?
Ben Simaku: Jo atëherë fare, asnjë lloj problemi. Shumë të qeshur të lumtur…
Kristi Gongo: Dhe që nga ajo kohë i shkëputët marrëdhëniet?
Ben Simaku: Jo erdhi kur vdiq babai…
Kristi Gongo: Jeni përpjekur të flisni me Eltonin në këtë rast?
Ben Simaku: Atë dua ta falenderoj jashtë mase nga zemra atë person.
Kristi Gongo: Të mbante mend Beni?
Ben Simaku: Po fola me kamera. Më duket sikur linda përsëri me telefonatën…Dukej e lodhur, duhet lënë koha e saj. Ne duam vetëm nga ana morale, psikologjike, por nga ana financiare nuk është asnjë problemi. Si i thonë ‘leku shkon e vjen por njeriu mbi të gjitha’, po të jetë njeriu e bën prapë lekun.
Kristi Gongo: Ju e prisni të rikthehet?
Ben Simaku: Kush është ai që nuk e pret? Ka shtëpinë e vet në Durrës, ka pjesën e vet, gjakun e vetë. Unë madje kam pasur edhe firmën si më i madhi për të firmosur në mungesë të saj.