Arbana Osmani, prezantuesja e njohur shqiptare, dhe regjisori Eduart Grishaj kurorëzuan dashurinë e tyre në martesë në qershor të vitit 2023, në një ceremoni private në Toskanë të Italisë.
Dasma u mbajt në rrethin familjar dhe miqësor, duke ruajtur një atmosferë intime dhe të ngrohtë.
Pas ceremonisë, Arbana Osmani kishte ndarë me ndjekësit e saj shumë detaje nga dasma e saj me Eduart Grishajn, duke përfshirë edhe një letër urimi të personalizuar nga Papa Françesku, të cilën çifti e mori falë mikut të tyre, Dom Gjovalini. Megjithatë, ajo nuk kishte publikuar asnjëherë më parë një foto të saj e veshur si nuse.
Por mbrëmjen e kaluar, gjatë episodit të “Mirëmbrëma Yje”, Arbana surprizoi publikun duke ndarë për herë të parë një video ku shfaqej e veshur me fustanin e nusërisë. E grimuar nga artisti i njohur Arbër Bytyqi, ajo rrezatonte elegancë dhe hijeshi.
Pamjet e saj si nuse u pritën me entuziazëm nga fansat, të cilët nuk ngurruan ta komplimentojnë për bukurinë dhe shkëlqimin e saj në atë ditë kaq të veçantë. Dhe duhet pranuar—Arbana ishte një YLL i vërtetë nuse!
