Në një KZAZ në Tiranë ka tensione. Shkak janë bërë disa vota të Partisë Mundësia të Agron Shehajt.
Ky i fundit ka bërë debat me numëruesit, të cilët duan të shpallin të pavlefshme disa fletë votimi për Mundësinë me arsyen se ato kanë ngjyrë të zbehtë.
Ndërkohë nga ana tjetër, Mundësia pretendon se fletët janë me vulat e komisionit të votimit.
“Manipulimi i procesit zgjedhor është vepër penale. Duhet t’i krahasoni të treja, jo një nga një. Duhet t’i krahasoni të treja. Nxirri të treja. Shto atë të PSD-së. Ky është mashtrim. Kush jeni ju që thoni mashtrim. Shtojini atë, lëreni hilet. Në prokurori do shkoni të gjithë, ta dini. Po manipuloni procesin zgjedhor para mediave”, dëgjohet të shprehet Shehaj.
Ndërkohë për këtë rast drejt KZAZ-së është nisur Ilirjan Celibashi./tvklan.al