Detaje të reja janë zbardhur në lidhje me aksidenti ne rëndë të ndodhur sot në Divjakë, ku një person ndërroi jetë.
Mësohet se ngjarja ka ndodhur në fshatin Kamenicë, teksa viktima është një 15-vjeçar.
Adoleshenti po lëvizte me motoçikletë kur u përplas nga një makinë. I mituri humbi jetën në vendngjarje, pasi përplasja ishte shumë e rëndë.
Ndërkohë, drejtuesi i mjeti është arrestuar nga efektivët e policisë, teksa hetimet për zbardhjen e plotë të ngjarjes vijojnë.
Njoftimi i policisë:
Rreth orës 12:30, në fshatin Kamenicë, automjeti me drejtues shtetasin R. Ç., është përplasur me motomjetin me drejtues një shtetas 15 vjeç.
Si pasojë e përplasjes ka ndërruar jetë 15-vjeçari. Është shoqëruar në Komisariat drejtuesi i automjetit dhe po kryhen veprimet hetimore procedurale.
Grupi hetimor po punon për sqarimin e plotë të rrethanave dhe shkakut të aksidentit.