Familjarët e Shpat Kasapi kanë reaguar për herë të parë lidhur me ngjarjen tragjike të ndodhur gjatë orëve të vona të mbrëmjes të së martës ku zemra e këngëtarit pushoi së rrahuri.
Ka qenë vëllai i tij, ai i cili i shkatërruar nga kjo humbje e madhe ka pohuar për Top Channel se orët e fundit kanë qenë për ta si “ferri në tokë” dhe po shpresonin që lajmi që u erdhi nga Italia të mos ishte i vërtetë.
I pyetur nëse më herët këngëtari ka vuajtur nga problemet shëndetësore, ai pohoi se herë pas here pas pasur disa shqetësime të vogla nga zemra, por jo diçka serioze.
Zemra e Shpatit pushoi përgjithmonë në dhomën e hotelit në Itali ku ndodhej së bashku me bashkëshorten, Selvien. Pavarësisht ndihmës që iu dha menjëherë, mjekët fatkeqësisht nuk mundën që ta shpëtonin.
LEXO EDHE
-
-
-
Ata kishin udhëtuar drejt Italisë një ditë më parë për shkak disa problemeve shëndetësore që kishte biri i tyre i vogël, Roeli.
Ndër të tjera, vëllai i tij tregoi se Shpati do të bëhej pjesë e formatit të Big Brother Vip Albania dhe se ishte tepër i entuziasmuar për këtë aventurë të re.
“E kishe me qejf, e pranoi me entuziazëm… jemi të shokuar, jemi të dëshpëruar. Iku!”, u shpreh ai.
Ndërkohë kujtojmë se zija godet për të dytën herë familjen Kasapi. Vite më parë, babai i Shpatit u nda në moshë të re po nga arresti kardiak. Artisti Naim Kasapi la vetëm bashkëshorten e tij, Gjylymesere Kasapin, së bashku me Shpatin dhe vëllain e tij.
