Bernardi, banori i Big Brother VIP ka rrëfyer kalvarin e vuajtjeve që nga fëmijëri, kur thotë se ndaj tij kanë abuzuar seksualisht në moshën 10-vjeçare deri tek njohja me partnerin e tij.
Në linjën e jetës, ai tregon se ka qenë farë i vogël, kur fqinji e ka marrë dhe e ka futur në dhomën e gjumit duke abuzuar. Ai thotë se gjithmonë e ka ndjerë veten të bullizuar.
Bernardi tregon se ka pasur mbështetjen e familjes. “Tek prindërit kam gjetur gjithmonë paqe”, u shpreh ai.
“Isha 10 vjeç, po qëndroja në lagje dhe më dhembte barku. Më vodhën fëmijërinë. Një komshi më tha hajde me mua se do të të ndihmoj, me futi në një dhomë gjumi dhe më tha prit dy minuta, më tha ky është ilaçi, iu luta që të mos e bënte. Nuk e kam kuptuar deri në moshën adoleshente se ishte abuzim seksual”, tha Bernardi.
Po ashtu, banori i BBV rrëfeu edhe momentin kur mori vendimin që të ikte nga Shqipëria për në Angli, aty ku thotë se ka tentuar të vrasë edhe veten. Po në Angli njohu edhe bashkëshorten e tij, me të cilën ka edhe një vajzë, ndërsa një tjetër e ka të birësuar.
“E kam dënuar veten aq shumë sa nuk e di ta shpreh, kisha frikë të shkoja në shkollë, të kthehesha në shtëpi vetëm. Erdhi adoleshenca dhe kisha të dashurën time të parë. Unë po bëja atë që prindërit kanë pritur prej meje. Një ditë të bukur me suportin e familjes vendosa të emigroja në Angli.
Erdha në një pikë që as jetën nuk e doja më. Tentova të prisja damarët. Atje njoha ish gruan time e cila më nxori nga ferri, më pranoi siç isha. Filloi të jetonim bashkë”, tregoi Bernardi.
Më as erdhi edhe momenti, kur në moshën 37 vjeçare thotë se kuptoi që ishte një mashkull homoseksual.
“Unë njoha Enam, më solli gëzim, më shtoi lumturinë dhe që e dua shumë. Një gjë është e sigurt, ai që të do të do ashtu si je”, tha ai për partnerin.