Spektakli i së martës solli një moment të papritur dhe tensionues,
teksa banori Gjesti mori një vendim që ndryshoi rrjedhën e lojës brenda shtëpisë së “Big Brother VIP Albania 4” .
Lideres së shtëpisë, Rizartës u dha një detyrë të shpëtonte nga nominimi tre prej banorëve. Ajo zgjodhi të shpëtonte Kellyn, Mikelën dhe veten, duke lënë banorët e tjerë në rrezik.
Por, menjëherë pas këtij vendimi, Gjesti reagoi në përpjekje për të ndihmuar mikun e tij, Shkëlzenin, i cili rrezikonte eliminimin. I tensionuar, ai vrapoi drejt kutisë së emergjencës dhe e theu atë për të siguruar imunitet.
Por në këtë përpjekje, ai bëri një gabim të rëndë strategjik, pasi sipas rregullave të lojës, imuniteti i kalon personit që thyen kutinë dhe jo dikujt tjetër. Kështu, në vend që t’ia siguronte mbrojtjen Shkëlzenit, Gjesti përfitoi vetë nga ky avantazh, duke bërë që gjithë shtëpia të përfundonte në televotim, përveç tij.
Veprimi i tij shkaktoi reagime të forta si brenda shtëpisë, ku banorët ndanë mendime e tyre për këtë veprim, disa e kritikuan për një lëvizje të pamenduar. Me tensionet në rritje, mbetet për t’u parë se si do të ndikojë ky vendim në dinamikën e shtëpisë.