Ditën e djeshme, Briseida Xhelaj bëri një deklaratë të fortë për produksionin e Big Brother VIP Albania.
Pasi nuk arriti dot të hynte zyrtarisht si banore, Briseida tregoi për publikun se votat janë pa vlerë, pasi nuk vendos publiku, por produksioni.
Sipas saj, në Big Brother mjafton të flesh, dhe të orienton produksioni, më vonë shpallesh fitues.
Deklaratës së saj të bujshme i ka reaguar aktori Jul Deda. Në një video të postuar në TikTok, aktori thotë:
“Kjo është e vërteta: Çdo produksion, në çdo vend të planetit, patjetër që ka strategjinë e vet se si do të bëhet spektakli, se si do të provokohen etj., etj. Por nuk ndodh në asnjë moment që të vijë dikush e të të thotë: thuaj këtë, bëj këtë, futu këtu, dil atje, bërtiti këtij, mos i bërtit atij.
Nuk ka spektakle të tilla, nuk ndodh në Big Brother. Me mua nuk ka ndodhur, me njerëz që njoh nuk ka ndodh! Vetëm nëse banori vetë futet me një skenar në kokë. Por që të vijë dikush nga produksioni e të të thotë: bëj këtë, bëj atë, është e pamundur të ndodhë. Se dëgjova atë çiftin. Dil, vërtetoje, na e trego se çfarë të kanë thënë. Nuk ndodh!”.
