Një situatë konfuze është krijuar në shtëpinë e “Big Brother VIP Kosova”, lidhur me largimin dhe rikthimin e papritur të banorit Labinot Rexha.
Ngjarja nisi kur Benita mblodhi banorët për t’i njoftuar se Labinoti kishte lënë shtëpinë, duke dhënë si arsye gjendjen e rënduar shëndetësore të gjyshes së tij.
Ky informacion bëri që banorët të diskutonin për disa orë rreth këtij largimi dhe mungesës së tij në vazhdimësinë e lojës.
Megjithatë, pas pak orësh, Labinoti është rikthyer sërish në shtëpi. U saktësua se largimi i tij nuk ishte përfundimtar dhe arsyeja e dhënë ishte pjesë e një situate të keqinterpretuar, dhe jo një urgjencë reale familjare.
LEXO EDHE
-
-
-
Rikthimi i tij solli reagime të përziera te banorët; ndërsa disa u shprehën të lehtësuar, të tjerë e kritikuan këtë veprim si një lojë të ulët dhe të panevojshme.
