Një grua 45-vjeçare, e identifikuar si Gentiana Hudhra është vrarë me thikë në mes të një parku nga ish-bashkëshorti mbrëmjen e kësaj të shtune.
Ngjarja, shkruajnë mediat italiane ndodhi në Tolentino (Macerata), rreth orës 20:00. Ish-partneri i saj që ishte po shqiptar e sulmoi me thikë para dhjetëra njerëzve që mbushën rrugën.
Bëhet me dije se ata rezultojnë të divorcuar para tre vitesh. Ish-çifti ka dy fëmijë, 21 dhe 23 vjeç.
Kur mbërriti policia, burri ishte ulur në një stol dhe nuk bëri rezistencë. Deri më tani, nuk është zyrtarizuar asnjë masë paraprake, por burri, i cili sipas informacioneve fillestare vuan nga probleme psikiatrike, po mbahet në paraburgim në pritje të mbërritjes së prokurorit publik.
Dëshmitarët thanë se e panë 55-vjeçarin duke sulmuar trupin e viktimës, duke e goditur pa mëshirë.
/vizionplus.tv