Një 14-vjeçar është arrestuar nga policia pasi ka plagosur me thikë një tjetër 15-vjeçar pas një sherri për motive të dobëta.
Ngjarja ka ndodhur në fshatin Sheqeras të Maliqit teksa 14-vjeçari e ka plagosur me thikë të miturin në një prej rrugicave të fshatit.
Sipas asaj që raportohet më media, kjo nuk është hera e parë që dy të miturit konfliktohen mes tyre, ndërsa në policia 14-vjeçari ka deklaruar se 15-vjeçari e ngacmonte herë pas here me fjalë.
15-vjeçari ka marrë goditje në zonën e barkut dhe të shpatullës ndërsa tashmë ndodhet në spital jashtë rreziku për jetën.
Njoftimi i policisë:
Rreth orës 13:40, në fshatin Sheqeras, Maliq, një 14-vjeçar ka dëmtuar me mjet prerës thikë një 15-vjeçar, i cili po merr mjekim në spital, jashtë rrezikut për jetën.
Grupi hetimor nën drejtimin e Prokurorisë po punon për zbardhjen e rrethanave të ngjarjes.