Një ngjarje e rëndë është shënuar në fshatin Velçan të Pogradecit, ku dyshohet se një 47-vjeçar ka humbur jetën pasi është goditur nga rrufeja.
Ngjarja ka ndodhur rreth orës 10:00, ndërsa viktima, shtetasi L. Ç., po ruante bagëtitë në zonën malore të fshatit. Fatkeqësisht, përveç jetës së tij, nga goditja e rrufesë kanë ngordhur edhe rreth 20 krerë bagëti të imëta.
Në vendin e ngjarjes kanë mbërritur shërbimet e Policisë dhe grupi hetimor, të cilët po punojnë për zbardhjen dhe dokumentimin e plotë të rrethanave të kësaj tragjedie.
Pogradec/Informacion paraprak
Rreth orës 10:00, dyshohet se si pasojë e goditjes nga rrufeja, gjatë kohës që ruante bagëtitë në fshatin Velçan, ka humbur jetën shtetasi L. Ç., 47 vjeç (çoban). Gjithashtu, si pasojë kanë ngordhur rreth 20 krerë bagëti të imëta.
