Rajyalaxmi Chatrakar, bashkëshortja e ish-kryeministrit të Nepalit, Jhala Nath Khanal, ka humbur jetën pasi protestuesit i vunë flakën shtëpisë ku ajo ndodhej.
Sipas mediave lokale, Chatrakar u dërgua me urgjencë në spital, por mjekët konstatuan se ajo kishte ndërruar jetë.
Ngjarja ndodhi në kulmin e protestave të dhunshme që shpërthyen pas vendimit të qeverisë për të bllokuar disa rrjete sociale, mes tyre X,
WhatsApp, Instagram dhe Facebook.
LEXO EDHE
-
-
-
Ky vendim shkaktoi zemërim të madh publik dhe përplasje me dhjetëra viktima dhe qindra të plagosur në mbarë vendin.
Në të njëjtën ditë, kryeministri aktual i Nepalit dha dorëheqjen mes presionit politik dhe vendimi për ndalimin e platformave u anulua. Megjithatë, trazirat vazhduan, duke çuar në sulmin fatal ndaj gruas së ish-kryeministrit.
Ngjarja ka thelluar krizën politike në Nepal, ndërsa vendi përballet me pasiguri të theksuar për të ardhmen.
