Kryetari i Partisë Demokratike, Sali Berisha, ka komentuar rezultatin e deri tanishëm të numërimit të votave në rang kombëtar në një dalje publike.
Ai tha se do të presin numërimin deri në votën e fundit dhe se akuzoi qeverinë Rama se ka marrë vota përmes mbjelljes së kanabisit, faljes së gjobave 2 ditë para zgjedhjeve etj.
“Mos të ketë askush asnjë iluzion se ato konkluzione kanë qenë politike. Jo, kanë qenë të certifikuara nga forume politike ndërkombëtare.
Të durojmë për të përfunduar numërimi i votës së fundit, atëherë PD do të bëjë të gjitha vlerësimet e saj. Nëse punësohen dhjetëra mijëra punonjës për votë,
nëse bëhen dhjetëra mijëra kanabis për votë, nëse ju patë fajdet dy netë para të 150 mln euro gjoba të mbi 170 mijë qytetarëve, atëherë emrin zgjedhjeve jua vini vetë. Sot jam për t`u bërë thirrje qytetarëve të numërojnë çdo votë.
Ky është qëndrimi ynë. Kriterët e zgjedhjeve janë shkelur në mënyrën më të keqe. Nëse kryeministri firmos dhuratën 100 euro për votë, nuk është përgjegjësi e opozitës kjo. Nëse mbjell kanabis për votë, nëse fal gjobat 2 ditë para zgjedhjeve, s`janë përgjegjësi e opozitës fare,” u shpreh Berisha.
Do e pranoni rezultatin?
“Vetëm ai që është sipër mund të ndalojë PD pa bërë gjithçka për të mbrojtur votën e shqiptarëve. Nuk ka forcë në botë të pengojë shqiptarët të votojnë lirisht. Harroje se dikush mund të pengojë shqiptarët të votojnë dhe ata si kombe të tjera,” shtoi kreu i PD.