Një operacion shpëtimi u realizua me sukses mbrëmjen e djeshme nga shërbimet e Policisë Kufitare në Vlorë, pas njoftimit për një mjet lundrues që po përmbytej në det.
Pas sinjalizimit të marrë nga Salla Operative e Drejtorisë Rajonale për Kufirin dhe Migracionin (DRKM), strukturat e Policisë Kufitare ndërhynë menjëherë në zonën Grame-Brisanit,
ku një skaf me tre shtetas në bord kishte pësuar defekt teknik dhe rrezikonte të fundosej.
Skafi u lokalizua dhe tre personat në bord u shpëtuan dhe u transportuan në breg me mjetin e Policisë, në gjendje të mirë shëndetësore.
LEXO EDHE
-
-
-
Përpjekjet për të tërhequr skafin në breg rezultuan të pamundura për shkak të gjendjes së rënduar të mjetit, i cili përfundimisht u fundos në det.
