Pas dy ditëve në luftë për jetën, dy të miturit grekë të shpëtuar në lumë nga shqiptari Ledian Goga, kanë pësuar vdekje klinike.
Spridhon Kristofor dhe Kleoni Fezollari, 14 dhe 12 vjeç, kishin shkuar për të notuar së bashku me disa shokë në lumin Arachthos ditën e mërkurë, por nuk mundën që të dilnin më pas nga lumi deri në momentin që në ndihmë iu erdhi Ledian Goga. Të miturit kanë qëndruar në ujë përreth 20 minuta, shkak që i çoi dhe në vdekjen klinike, janë shprehur mjekët.
Prindërit e fëmijëve, njëri shqiptar dhe tjetri grek, kanë vendosur që të dhurojnë organet e tyre.
Miqtë e dy të miturve kanë vendosur lule dhe disa shënime në vendin e ngjarjes në kujtim të dy shokëve. “Do t’ju kujtojmë përgjithmonë, ikët si heronj, shoqëria juaj”, shkruhet në letër.