Një aksident rrugor është regjistruar mesditën e sotme në Urën e Re të Kukësit, ku janë përfshirë tre automjete që po udhëtonin në drejtim të Tiranës.
Përplasja ndodhi në mes të urës, duke bllokuar plotësisht një kah të lëvizjes.
Po udhëtonin drejt Tiranës/ Aksident në urën e re të
LEXO EDHE
-
-
-
Për shkak të aksidentit, policia rrugore devijoi menjëherë trafikun drejt urës së vjetër mbi lumin Drin i Zi, duke shmangur bllokimin e lëvizjes. Ndonëse u krijua trafik i shtuar për disa minuta, forcat e policisë bënë të mundur orientimin e mjeteve dhe evitimin e radhëve të gjata.
Fatmirësisht nga aksidenti nuk raportohet për persona të lënduar, por vetëm për dëme materiale në mjetet e përfshira.
Sipas burimeve paraprake, shkak i aksidentit dyshohet të ketë qenë pakujdesia e drejtuesit të automjetit të parë si dhe mosrespektimi i distancës së sigurisë nga dy mjetet e tjera.
Policia rrugore vijon hetimet për zbardhjen e plotë të shkaqeve të ngjarjes.
