Një tragjedi e rëndë ka ndodhur të mërkurën në mbrëmje në komunën e Porcari, në provincën e Luccës, ku katër anëtarë të një familjeje shqiptare humbën jetën si pasojë e helmimit me monoksid karboni. Dyshohet se shkaku ka qenë një defekt në kaldajën e shtëpisë, e cila shkaktoi një rrjedhje të rrezikshme të gazit vdekjeprurës.
Viktimat janë: Arben Kola, 48 vjeç, bashkëshortja e tij, Besa, 43 vjeçe, dhe dy fëmijët e tyre, Roni, 22 vjeç, dhe Erisa, 15 vjeçe. Një person tjetër, vëllai i kryefamiljarit, u shpëtua në gjendje kritike pas njoftimit të vonuar dhe u transportua menjëherë në spital.
Tragjedia ndodhi rreth orës së darkës, kur vëllai i Arbenit, i shqetësuar nga mungesa e përgjigjes në telefon, ngriti alarmin dhe njoftoi karabinierët. Kur ata arritën në shtëpinë trekatëshe, trokitën disa herë, por nuk morën përgjigje. Ata hapën derën me forcë dhe gjetën një skenë dramatike: katër trupa të pajetë shtrirë në dysheme.
Dy oficerët e karabinierëve që morën pjesë në shpëtimin e personit të mbetur, pësuan simptoma të dehjes të lehtë nga monoksidi karboni, por fatmirësisht janë jashtë rrezikut për jetën. Ata morën ndihmën e parë dhe u transportuan për trajtim në spital.
LEXO EDHE
-
-
-
Hetuesit janë duke punuar për të zbardhur shkakun e plotë të tragjedisë, por dyshimet më të mëdha janë se defekti në kaldajë mund të ketë shkaktuar rrjedhjen e gazit vdekjeprurës, duke i marrë jetën katër anëtarëve të familjes.
Detaje të reja janë mësuar nga ngjarja e rëndë në Itali, ku katër anëtarët e familjes Kola, Arti, Jonisa, Hajdar dhe Xhesika, humbën jetën si pasojë e gazit nga kaldaja.
Mediat italiane bëjnë me dije se ka qenë vëllai i Artit, i cili pasi nuk ka marrë përgjigje nga telefoni të familjarëve të tij, ka njoftuar policinë.
Efektivët e policisë italiane kanë hapur derën e banesës dhe janë futur brenda. Teksa ka parë familjarët e tij të pajetë, ai ka tentuar që të iu vijë në ndihmë, por ka mbetur edhe vetë i lënduar.
Ai është transportuar në spital dhe ndodhet në gjendje të rëndë shëndetësore.
Po ashtu të lënduar kanë mbetur edhe dy efektivë policie, pasi në dhomë gazi ishte pa aromë.
Familja Kola ishte nga Peqini dhe jetonte prej vitesh në Itali.
