E ftuar në “Live From Tirana” me Ronaldo Sharkën, ka qenë gazetarja Klotilda Harka.
Ajo ka komentuar më shumë banorët e “Big Brother VIP 4”, si dhe dinamikat e ndodhura së fundmi në shtëpi…
Shumë ka që e mbështetën Jozin në veprimin ndaj Gjestit, ai fitoi diku tek 30 mijë ndjekës në Instagram…
Por dhe ia hack-uan Instagramin dhe ka hapur një faqe tjetër.
Kush ia vodhi?
Sipas komenteve që bëhen lart e poshtë në rrjetet sociale, thuhet që fansat e Gjestit. Por nuk e dimë se sa e vërtetë është, sepse ka dhe njerëz që mund të acarohen shumë nga dhuna.
Të gjithë padiskutim, por dhuna në njëfarë forme të ngjall urrejtje për personin në fjalë.
Pavarësisht se mënyra si ai e bëri dhe në momentin më kulminant të show-t, mund të ketë bërë edhe njerëz për vete dhe nuk është çudi. Se njerëzit janë të çuditshëm.
Plus që Jozi i ka të gjitha brenda. Nga njëra anë i këndon dashurisë, me atë zërin melodioz, nga ana tjetër shkon dhe i ‘këput’ një shpullë Gjestit. Kështu që krijohet një lloj personazhi atipik, që nuk e kemi parë ndonjëherë, shumë kompleks.
A e përjashton nga showbizi Jozin kjo që ndodhi?
Jo, nuk e përjashton, se kam dëgjuar shumë komente që thonë: “i erdhi fundi karrierës së Jozit”. Unë mund të them që mund të jetë një fillim i ri i një karriere edhe më të jashtëzakonshme se sa ajo që ka pasur.
Janë momente që një fije e hollë i ndan, suksesin nga dështimi. Por në rastin e Jozit, nga përshkrimi që bëra i të gjithë situatës dhe atij si personazh dhe faktit që është këngëtar, kam përshtypjen që do e fusë në disa shina të tjera
. Sepse e dimë që Jozi para se të hynte në “Big Brother”, nuk e njihnim, as ne që merremi me këtë punë.
Ai papritur do e shohë veten në një tjetër stad karriere, mendoj unë. Nuk e shoh rastin që ai mund të zhduket nga qarkullimi ose nga tregu.
Çfarë mund të thuash për Loredanën, që ishte në lidhje me Jozin brenda shtëpisë?
Loredana vdes për Jozin, nuk ka për ta lënë. E dëgjova në një intervistë që kishte dhënë në Top Channel, aty e pashë që ishte rrëfyer më gjatë dhe në mes rreshtash kuptova që ndien për Jozin dhe nuk e kishte hequr unazën.
Justifikohej që e mbante për veten e saj. Në mes rreshtash kuptohej që ajo e mban për veten e saj, por e mban dhe për Jozin.